سلام للكل
الحين اقدر اقول عدنا والعود احمد
عندي سوالف بالدرازن
سوالف سوالف
اولا احب اطمن الي يسال معنا محد سأل عن أدائي بالامتحانات :\ بس يالله نطمن الي ما سأل وأقولهم الحمدالله عدت على خير وصرت بآخر كورس والله يسهل وأصير خريجة
الحين الرقم الذهبي 04\06\08
هالتاريخ راح يكون آخر يوم دوام لي بالجامعة بعد خمس سنوات كانت مثل الحلم بحياتي
شعور حلو بس يخوف
نهاية مشوار بدا بالتخرج من الثنوي وخرعة دخول مركز العلوم الطبية وكل الامتحانات وبالذات الفارما
سنوات اذكرها كانها امس
اشكالنا واحنا مواصلين قبل الامتحانات وفرحتنا بالنتايج ماكو ريست والكل باس
كورس ورا كورس ليمن امس
كان اخر يوم اقوف جدام لوحة النتايج واطالع اذا في ريست بالفارما ولا باس والحمدالله عدا على خير
هالمادة شنو اخاف منها واشكثر اشيل همها
ومن كثر مااحاتي لووووووول حلمانه اسبوع كامل
ثبتوا أسبوع كامل اني ماخذه
B
واقوم من النوم الابتسامة مشققة بعضها وادعي يارب هالدرجة ماشوفها غير يارب متنازله عن الامتياز مابيه جيد جدا مو مشكله راضيه واصلا احلم فيها من آخر امتحان لين اطلعت النتايج ولا خلاص شفتها مو B
C
وهم احلم فيها خلاص الامتحان خلص وطلعت النتيجة بسج احلام مامنها فايدة ماكو
لوووول
لا تحاتون قواي العقلية بعدهي بأحسن حالاتها
:):):)
بس مازلت بهالشعور الي خايف من الياي والمجهول
بس الله كريم
المهم
خلونا من الحجي الي يكدر وشوفي طرائف الامتحانات
طبعا نفس كل سنة الفارما
(pharmacology)
للي ماتشرف بمعرفتها يكون اول امتحان وهالكورس كان 5 ساعات ساعتين ونص
close book examination
ونص ساعة استراحة
عقبها ساعتين
open book examination
عشان اجهز نفسي للأوبن معروف بدفعتنا ان الكل اييب مكتبته معاه الكلية بجناط سفر لووووووول شي ماراح انساه طول عمري
شكلنا داخلين مطار مو كلية والي يضحك اكثر السكيوريتي يفتش عند الباب لوووووووووول
امبييه أشكالنا مأساه وباجي الكليات يطالعونا ويضحكون وبالذات الطب البشري
هذي سالفة
السالفة الثانية الي بالفارما اني كل ما اشتري جنطه سحب للكتب تبنجر من ورا الديبيرو
( هذا اثقل كتاب يمكن 6000 وشي صفحة)
بس آخر امتحان
I was really dummy
كنت مواصلة مو نايمة ماقدرت انام من الخرعة كالعادة وقعدت البنات الي وصوني وخايفين ما يقوم
وصلت مع وحدة من البنات وبدينا نتساير بسحب الكتب يعني من آخر بنجر غير الجنطة واشتريت العربانة الي يحطون عليها الجنطة
حاطة الكتب عليها وبامان الله سافطة بالزيرو A
الي نادر مااحصل مسفط فيه
وانا طالعه من الباركين بالنزلة اشوف تاير سابقني
وعربانتي اطلع شرار لووووووووول
وانا باقيلي 6 نوت ماراجعتهم ودارستهم باجازة العيد يعني من المستحيل اذكر شي منهم وباقي عالامتحان 3 ساعات
المهم الي معاي ماقصرت نادت واحد من الي يشتغلون بالكلية واخذ الكتب للكلية وانا شلت العربان بردها السيارة وملف النوت الي مادرستهم ورفيجتي موقفة سيارتها يم سيارتي بالمواقف وانا ادخل العربانه الملف يتبطل
ويااااإالاهي على الكارثة الاوراق بكل مكان عالارض واغلبهم لوووووووول
صار تحت سيارة رفيجتي
والحين المسكينه خليتها مع العامل شايلين كتبي الي يبيلهم رباع عشان يشيلهم بعد اناديها توخر سيارتها عشان اطلع اوراقي
ظليت افكر واحاول انطر المكان يفضى عشان اقدر انزل واطلعهم من تحت السيارة ولأول مرة تمنيت اني ماوقفت بالزيرو لأن موراضي يفضى
آخر شي فكرت وسويت تيار هوا نثرت الاوراق زيادة بس قدرت اوصلهم الصوب الثاني وطلعتهم..... تحسون صج مقفله خو نادي واحد من الي يشتغلون بالحديقة لأ مايصير لازم اثبت إني
DUMMY
ولما وصلت الكلية بعد جهد جهيد ولا رفيجتي طالبتلي قهوة من ستاربكس الحين شلون بشيلها من بين هالكتب والاوراق والملفات
انحرجت اردها والصراحة كنت بحاجة لها لأن عقب تعب الحوسة تحت السيايير تقولون بنجرجي مو طالبة بالجامعة قتلها خل اخلص القهوة عشان اقدر اشيل قالت لآ خل نروح استراحة الصيدلة يم قاعة الامتحان ونخلي اغراضنا وندرس براحتنا قتلها مااقدر اشيل تقولي حطي كتبج فوق جنطتي في مجال واشيل اشوي وانتي شيلي اشوي والمسافة بين الكفتيريا وقاعة الامتحان الي بآخر الممر الدور الثاني بالمبنى اليديد يعني المسافة تقريبا تقدرون تقولون نص كيلو الا والله مادري جم بس المسافة طويله ومتعبه مع الاوزان الثقيلة الي معانا
واحنا نمشي اسمع الي معاي تقول وييييييييي لآأأأأأأأأأأ
اقولها اشفيج تقولي القهوة ادخلت بجمي لوووووووووووووووووول
اقولها ما سمعتي الكلام
تقلي بليز مااقدر اهد العربانة ولا الكتب اطييييح
حطيت الي بايدي بالارض وقعدت انشف المكتوت
اخر شي حصلنا عامل ثاني وقتله شيل الكتب ودفعناله المقسوم
بس عقب الي خلاص ابي انام ماعندي طاقة اركز بشي
لوووووووووووول
ريحنا بو ربع ساعة وشربنا هالقوة وصحصحنا وكملنا الي ماندرس وماتراجع
ولا أكتشف ورقة مفقووودة المفروض كاتبه عليها أسئلة الميدتيرم ومفكرة اراجعها ويمكن ايي منها شي
وانا طالعه من الامتحان ورادة البيت لقيتها تحت تاير سيارتي
بس صج هاليوم بدايته منيله بستين نيله على قولتهم امتحان عسر وثوالة لووووووووووووووووول
بس ذكرى ماتنسى وتعب الحمدالله نتج وراه نجاح
مو تفوق بس باسسسسسسسسسسسسسسس
:):):)
وبالنهاية
5roofa and Q8doll
thanks for your sweet comments and prays
and for all ppl who visited my blog
and sorry if someone needed me and i wasn't there
Peace and Love 4 All
(*_*)
