قبل لا ابدي البوست حبيت اقولكم اني بديت الكورس الدراسي ويمكن اتأخر عليكم بالبوست
بس راح احاول اتواصل متى ما صار عندي وقت لأن من أول يوم شغل وماعندهم غشمرة وشغل من شغل توني خلصت اول
Assignment
معنا ماصارلنا يومين بالدوام
والحين ابدي موضوع اليوم
موضوعي صادف ان سالكم ياهل سؤال وحسيتوا بالعجز لأنكم ماتعرفون تجاوبونه
ماعرفتوا توضحون له سؤاله من غير ماتفتحون المجال لسيل من الأسئلة الي راح تتبع اجابة هالسؤال
او يمكن ماعرفتوا تعطونه جواب يناسب عمره والفضول الي عنده من غير ما يتعقد او تمس الاجابة حياء الشخص
هالحالة مرت معاي بطريقة ماكنت متصورة اني يوم من الأيام راح انسأل هالسؤال بهالطريقة الي تجبرني اجاوب من غير ما افقد الثقة الي حطها فيني موجه السؤال لي
تدرون خل اسولفلكم الموقف
في يوم كنا متجمعين ببيت يدتي ويالي ولد خالتي عمره 6 سنين وسألني
انتي الحين دكتورة
جاوبته لأ انا مو دكتورة يعني مو طبيبه
قالي تعرفين شنو داخل بطني
رديت عليه وانا مبتسمة قتله الي داخل بطنك الي مساع كليته
قالي لا لا موالأكل
قتله شنو عيل اذا مو الأكل داخل بطنك
قالي شوفي ورفع قميصة وقالي اهني
قتله وين قالي اهني وقاعد يأشر على قلبه
قتله هني قلبك مو بطنك
جان يقولي ليش يتحرك دايما ويحط ايده ويتحسس ويطالعني ويقولي يتحرك كل يوم كل يوم واذا ساكت اسمعه
جاوبته لأن جسمك يبي دم الي لازم يوصل حق ريلك عشان تقدر تركض وحق راسك عشان تقدر تفكر
طالعني والإجابة مو عاجبته كأنه يقولي شكلج تستهبلين
والصراحة حسيت بالغباء من نظرته لي لووول حسبالي شارحيله من قبل وكلامي تناقض مع كلامهم
بس طلعت السالفة مو جذي
لوووول
!!!!قالي فلانه داخل بطنها يتحرك وصاير كبير انا راح يكبر
هني توهقت بس يالله امشيها :):)
قتله لا الي داخل يعني قلبه كل واحد فينا عنده قلب واذا ماكان موجود الواحد يموت وفلانه الي اهي اخته داخل بطنها بيبي وهالبيبي هم عنده قلب
القلب مثل ايديك كل واحد عنده ايد وعين وخشم
جان يصدمني بسؤاله الي تبع هالموضوع
البيبي شلون صار داخل بطنها
اهني انصدمت شجاوب وخالتي تسمع ولدها وتضحك وتقولي جاوبيه
ههههههههههههههه
مادري شقول تميت ساكته
والي قدرت عليه كالتالي
فلانة من زمان متزوجة وتبي تصير ام مثل خالتي فكانت تدعي الله يصير عندها بيبي والله خلا هالبيبي داخل بطنها لأنها كانت تصلي وتدعي وايد ههههههه شكو لاحد يسألني لأن هذا كل الي قدرت عليه ههههههه
حسيته في اسئلة وايد راح يبديها فطرشته على اخته وطلعت من السالفة ههههههه
واخليكم مع هالفيديو عن كيفية خلق الانسان ومراحل تكون الجنين مع شرح مصور لكل مرحلة والفيديو مناسب لكل الاعمار مع تصوير فريد من نوعه الي خلاني اشوفه اكثر من 4 مرات
والصراحة ربط عجيب بين الملاحظات العلمية الحديثة وما ورد بالقرآن
اخليكم معاه وان شاء الله يعجبكم وتستفيدون منه مثل ماعجبني واستفدت منه
18 comments:
هههههههههههههههههههه
وااااي
سؤال يفشل وأغلب اليهال يسألونه مادري شيبون
انا صارت فيني تدرين شسويت
؟؟
يتني سارونه قالت خالتي فيها بيبي شلون ؟ من وين
ولما اكبر شلون يصير عندي بيبي
انا على طوووول
قلت لها
سااارون تبين كاكاو
هههههههههه
طبعا نست السالفه على مايبت الكاكاو
يامعوده
نتوهق فيهم
يكبرون ويعرفون سواد الويه اللي يسوونه أهلهم عشان اييبونهم لوووووول
على فكره اشتطيت ودشيت الرابط
مافيش حاجه
تأكدي
هههههههههههه
عجيبيين اليهال وخصوصا هالعمر
من 4 سنين لين 10 خل نقول
انا ولد خالتى سال امه من وين يبتى البيبى
جان تقوله من الجمعيه
وسكتناا ومشت الدنيا
فجاة بالزواره جا ن يقول حق امه روحاى الجمعيه وبدلى حمود ما نبييه
نبى بنيه ما ابى اخو
ههههههههههههه
هههههههه يحليله
الحمدالله للحين ما انسألت هل السؤال
اما عن الأعجاز القرأني فكاتب مشهور في علم ال embroyology
اسلم بعد معرفته بالوصف القرأني للجنين و تسميته بالعلق وهي ما قبل ال embryo
اسلم بسبب كلمة لأنه عرف ان من انزل هذا الكلام هو نفسة خالق هذا الجنين لانها ذكرت قبل الف و اربعمية سنة
المهم كلمة اثارت انتباهي .. الطفل مالازم يسمع ضربات قلبة وهو ساكت الا لو كان بذل مجهود خله ضربات قلبة تتسارع الى مدى ان يحس فيها او يسمعها
ياريت حتى لو يفحصونه بمستوصف ممكن اكون مكبر السالفة بس لأفضل لأطمئنان
q8doll
loooooool
حلوة هذي شكلي راح اجهز الكاكاو حق هالمواقف
وعلى الرابط عادي يشتغل بس اول مرة ياخذ فترة ويمكن تنسين انج شغلتيه وفجأة يشتغل
نفس الشي صار معاي اول مرة نزلت الفيديو
charisma
looooool
كل شي من هالجمعية زين قال اذا يروحون وينقون خل ييبون بنت مولازم كله صبيان لووول
يحليله والله يحفظه لكم
sowhat
يالله جهز نفسك لهالسؤال راح اييلك يوم وتنسال :):)
اما عن العالم سمعت قصته وسبحان الله الي ابدع بخلقه وصج كل ما نتعمق بالتفاصيل الواحد يحس بالرهبة
وعن سالفة يسمع قلبه واهو ساكت هم شدت انتباهي وسالت امه وقالتلي اذنه ملتهبه عشان جذي يحس فيها ويقول انه يسمعها وما شاء الله عليه حرج مايقعد فشي طبيعي :) ومشكور عالنصيحة
loooooooooooooooooooool
3ad e yahal o as2elatom ma t5ale9
و ماتلاحظين على كثر ما تجاوبين كثر ما ايلج ليش؟
ما يوقف لوووول
الرابط مارضه يشتغل معاي بس انشالله المره اليايه ادش و اغله معاي
salamz sweetee....
5roofa
هلا والله :):)
حبيبتي اللنك يشتغل بس بطيء وايد لأن الفلم طويل
مدته 50:15
فعلى ما يسحب يطول وايد بالذات اذا اول مرة بس اكيد يشتغل وكل مرة اجربه ويشتغل :)
مشكورة على مرورج الحلو
اسئلة اليهال
ما تخلص اصلا
وتقريبا ولدي سألني سؤال مو بعيد عن هالموضوع
واهوه شلون البيبي يطلع بره بطني :\
طبعا ردي كان ان يشقون البطن ويطلع البيبي
شنو تتوقعين ردة فعله ؟؟
مسكين قعد يبجي
ليش لاني كسرت خاطره شلون شقوا بطني وطلع اهو
هههههه
تورطت عقب شقول بالله
يعني عند نفسي مجاوبه
بس اهم شي ان لما يسالج ياهل تجاوبينه
واذا كان جواب اكبر من سنه تحاولين تييبين له جواب قريب منه
بنت الكويت
اليهال واسئلتهم الي ماتخلص
انا اجاوب ماعندي مشاكل بس اهلهم يتحملون اجابتي :):)
والله يخليلج ولدج ويحفظه ما شاء الله عليه حنون يحليله
كسر خاطري ليش تبجي بعد هذي حال الدنيا :):)
pinkish
ترى حبل الجذب قصير
:P
انا اذا سألني ياهل بقوله الصج واللي فيها فيها
يعني يرضيج يقولون عني جذاب ؟؟
:)
solaiman
:)لا معقوله ارضى ينقال عنك جذاب
بس هم حلو اذا كانت عندك طريقة تقول من غير يستخف الياهل الي جدامك وتحوشة صدمة نفسية :):)
وحد الحين ماجذبت عليه كل واحد يدعي يكون عنده عيال :P
اسعدني مرورك
مبارك عليج الشهر :)
sij hal as2elah itwahhig bs tdren
momkin inna ilwa7d i7awil ijahiz
ijabat 7g hal questions monasbah
li3omor ilyahil wi momkin itha
tiwahhagtay itsawwin nfs
q8doll wi tfokeen 3omrich:)
مبارك عليج الشهر وينج يبا ؟
قبنا رمضان و قلنا لوية و دراسة و زوارات
بس مو جذي عاد :)
q8doll
علينا وعليج حبيبتي :)
salfa3ajeeba
twahig 7adha hal as2ela bs arya7 shy q8doll solution :D
thanks for ur sweet comment
sowhat
هلا اخوي مبارك عليك الشهر
والله ادري طولت الغيبة بس هالاسبوع بروحه كان عندي 3 امتحانات وكلها
open book & presentation about drug induce ocular toxicity
يعني اقرا كثر ما اقدر عشان اتوفق بالاجابة والحمدالله عدوا على خير
وان شاء الله على اجازة العيد احطلكم بوست :):):)
لا اتغشمر مجهزة بوست بس باقي اشوي اضبطه واحط لكم بس خلي يصير عندي اشوية وقت واغير جو الدراسة :)
اسعدني مرورك ومشكور عالسؤال
Post a Comment